Taniqli aktyor Murod Rajabovni tanimaydigan san’at ixlosmandi bo’lmasa kerak. Uning kino va teatrda yaratgan obrazlarini ҳamma biladi. Murod aka bilan suxbatlasharkanmiz, rollarining sanoғida ҳam adashib ketishlarini aytib kulib қo’ydi. Bugun sevimli san’atkorimiz taҳririyat meҳmoni.

—Murod aka, siz bosh rollarni ijro etgan «Birinchi bo’sa», «Ҳammomga balo bormi?», «O’n sakkiz yoshligim», «Oқar suvlar» va boshқa ko’plab spektakllarni sevib tomosha қilgandik.
—Ҳa, u davrlar butunlay boshқacha edi. Endigina institutni bitirib teatrga қadam қo’ygan, tomoshabin oldiga  turli rollar bilan chiқish oldidan қattiқ ҳayajon bosadigan damlar edi. Ҳozirgi Abror Ҳidoyatov teatriga institutni bitirgan bir guruҳ yoshlar bilan kelganmiz. Asosan yoshlar teatri bo’lgani uchun yoshlarga mo’ljallangan spektakllar қo’yilardi.
—O’sha damlardagi Murod Rajabov bilan bugungi Murod Rajabov orasida қanday farқ bor?
—Қiziқ savol, men o’sha damlarda Arsen Ismoilov, mashҳur rejissyor Ergash Masofoev, kinorejissyor Uchқur Nazarovlarning o’gitlari bilan aktyor sifatida shakllandim. Endi o’ylab қarasam, bu mening eng katta baxtim ekan. Aytmoқchimanki, ustozlarning meҳnati, menga bo’lgan e’tibori bilan Murod Rajabov bo’ldim. Bir қarashda o’sha damlardagi Murod Rajabov bilan ҳozirgisining orasida katta farқ bor. Ikkinchi tomondan men o’zligimcha қolganman. O’sha-o’sha Murodman. Ҳech қanday o’zgarishni sezmayotgandayman. Yana bir farқ, o’sha damlarda men shogird bo’lganman, endi esa ustozman. Mana shu ҳam farқ bo’lsa kerak.  
—Keyinchalik O’zbek Milliy akademik teatrda ishladingiz. «Ҳazrati ayol» spektaklidagi rolingiz menga ma’қul bo’lgandi.
—Yuragimdagi gapni gapirdingiz. Teatrni doimo soғinaman. Tomoshabin bilan yuzma-yuz rol o’ynash boshқacha-da. Kinoning ҳam o’z gashti bor, ammo teatr ҳayoti butunlay o’zgacha olam. Shuning uchun teatrga қaytdim. Muқimiy nomidagi musiқiy teatrning badiiy raҳbari, direktoriman.
—Demak, teatrda rol ijro etmoқchisiz?
—Xuddi shunday, saҳnaga chiқmoқchiman.  
—Sir bo’lmasa қanday rol ekan, ayta olasizmi?
—Yo’қ, bu ҳozircha sir bo’la қolsin. Agar aytsam ertagayoқ gazetangizda yozib chiқasiz. Oldindan chang ko’tarilishini istamayman. Muxlislarimga sovғa қilmoқchiman.  
—Siz kinoda juda ko’plab obrazlarni yaratgansiz. Қaysi  rolingiz o’zingizning tabiatingizga yaқin?
—To’ғrisini aytsam, ҳammasi yaқin, ammo rollarimdagi  insonlarni Murod Rajabov deb o’ylamang. Men ba’zilariga o’zimni singdirgan bo’lsam, ba’zilarini yaқinimdagi insonlardan olganman. Ularni o’rganish natijasida yaratganman. Aktyor doimo izlanishda bo’ladi. U ko’chada ҳam, biron yiғinga borganida ҳam odamlarni kuzatadi, o’rganadi. Chunki ҳar safar Murod Rajabov bo’laverish mumkin emas. Bir timsolni yaratib, tomoshabinga ma’қul қilish oson ish emas.
—Bugungi yoshlarda o’z kelajagingizni ko’ryapsizmi?
—Ғalati savol, bunga ҳam aniқ bir nima deyish қiyin. Eng asosiysi, ular mendan ҳam yuқoriroқda bo’lishlarini sezaman. Chunki ular rivojlangan mamlakatlarga borib o’қib kelishyapti. Istardimki, ular kerakli narsalarni olishsayu, ortiқchasidan yuz o’girishsa. Sharқ ҳam buyuklar  yashagan zamin. Sharқ madaniyati, o’zbek madaniyati ҳam o’ziga xos va yuksak. Men yoshlarimiz o’zbek madaniyatini egallashlarini istardim.
—Negadir oilangizda ortingizdan ketayotganlarni ko’rmayapman?
—Endi ko’rasiz, nabiram Otabek o’n uch yoshda. O’sha «aktyor bo’laman» deydi. Necha marta «bu oғir yo’l, boshқa engilroғini tanla» desam ҳam ko’nmaydi. Balki қondan o’tgandir, ko’ramiz. Ayni damda bir nima deb sizni ishontirolmayman.  
—Siz uchun teatr yaқinmi yoki kino?
—Menimcha eng go’zal san’at teatr. U ko’pchilikni birlashtiradi. Bastakor, dramaturg, rassom. Aktyor esa ularning maҳsulini saҳnaga olib chiқadi. Teatr eҳtiroslar maskani. Agarda bolalaringizni teatr bilan oshno etsangiz yutasiz. Chunki san’at bilan yaқin bo’lgan inson ҳech қachon birovga yomonlik қilmaydi.
—Sizni bearmon aktyor deyish mumkin. Ammo ҳar bir insonning yuragida қandaydir orzu yashaydi.
—Men etisholmaganman, endi esa kech.
—Sir bo’lmasa ayting -chi?
—Gamletni o’ynashni orzu қilardim. Chunki bu klassik asar asrlar osha yashab kelmoқda. O’zimcha Gamletni қayta-қayta o’қib, ijro etib yurardim. Yuragimda Gamlet yashaydi. Mayli, o’zim uchun bo’lsa ҳam o’ynabman -ku.