Хабарингиз бор, бугун ўзбек футболи юлдузи Миржалол Қосимов ўзининг таваллуд айёмини нишонламоқда. «Бунёдкор» бош мураббийи 41 ёшлик туғилган кунини Андижонда нишонлайдиган бўляпти.

Шунингдек, «Бунёдкор» клуби матбуот хизматида бир неча йиллардан бери ишлаб келаётган андижонлик йигит, дўстимиз Баҳодир Мирзаев учун ҳам унутилмас кун. У бугун бўйдоқлик билан хайрлашмоқда. Табиийки, «Андижон» - «Бунёдкор» баҳсидан кейин барча футболчилар ва бугун Андижонда меҳмон бўлиб турган журналистлар ва футбол мухлислари Баҳодирнинг никоҳ тўйига ташриф буюришади.

Фурсатдан фойдаланиб, ўз таваллуд кунини нишонлаётган Мирожалол Қўшоқович ва Баҳодир Мирзаевни муборакбод этамиз. Уларга омад ва бахт тилаймиз.

Андижонда эканлигимиздан фойдаланиб, бугунги ўйиндан матнли онлайн трансляция уюштиришни режалаштирганмиз. Ўйин соат 17:00да бошланади. Матнли трансляция эса 16:30дан бошланади.